米俐的部落格

直布羅陀 模式至係香港出路

2019-03-242019-03-24 / by martinoei 黃世澤

蘋果做咗關於 直布羅陀 嘅專題，令唔少香港人流口水，如果無中共因素，香港未必會獨立，正如唔係二次大戰日軍南侵果陣，英軍表現十分唔理想(你無辦法同香港保衛戰果陣力戰而死相比)，新加坡都未必想同馬來西亞合併或獨立。 直布羅陀 模式下歸英，其實對香港最有好處。

直布羅陀 真高度自治

直布羅陀 依家其實係個名係殖民地，其實佢一啲都唔殖民地，因為 直布羅陀 係公投選擇留英，而且不止一次，所以西班牙任何領土索求都係仆街嚟， 直布羅陀大致依家係咁

- 外交國防由英國政府負責

- 直布羅陀 內政全面自治

-直布羅陀 議會稱為國會(Parliament)，議員一律為MP

-直布羅陀 政府實際由首席大臣(Chief Minister，或譯作布政司)全權掌理

直布羅陀 一直都係左翼政黨揸莊，所以大家喺蘋果嘅訪問，點解 直布羅陀 可以左成咁，因為佢哋個執政黨Gibraltar Socialist Labour Party係一個左翼政黨。而除咗BREXIT佢哋無辦法阻止，大致上，英國唔會點理 直布羅陀 ，甚至British Citizen或其他British National喺 直布羅陀 都可以被remove，除非攞到直布羅陀人身份(呢個係BNA 1981同IA 1971嘅後遺症)。其實呢種高度自治，正係香港要，但中國唔會俾到，只有英國先會俾到。

其實好多人以為香港可以唔靠外國人，唔靠英國可以享受高度自治，甚至獨立，呢個係完全唔識現實政治嘅愚蠢諗法， 直布羅陀 嘅自治，一直都有英國撐腰，台灣嘅獨立，其實都係美國所保證，香港如果無英國保證，點可能唔理國防外交而安居樂業，理埋國防外交其實好辛苦，你睇新加坡就明，以香港嘅位置，隨時係長期要一個類似邱吉爾、李光耀或李登輝之類嘅人領導，香港人有呢個準備同覺悟咩？咪玩喇。

如果香港人真係想過番1997年嘅安居樂業，唯一出路就係歸英，而且會有一段時間要做