米俐的部落格

以下的網上留言，皆是在網海尋找出來的。當然只代表消費者的立場和她們的親自經歷，我也接受過這位醫生的治療，不過是限於皮膚上的小手術，而且效果理想，服務 (包括講解)滿意。

我只能說，若果自己找這位醫生不是作普通的外科手術，而是整容，可能和以下求診者的下場沒有兩樣吧。金錢的確賺不完，每個人的價值觀不盡相同，我不批評醫生想賺錢是錯的；然而，一句話:名利雙收。錢的確賺了，但招來的是一次又一次的劣評，令自己名聲狼籍的話，真的得不償失了。站在做生意的立場而言，名聲就是商譽的一種。許多許多寶號在轉手時，能得到高價相當一部分是因為擁有優異的商譽。

其實醫生的客源不僅來自香港，甚至大陸。一次聽到有大陸人致電給他們查詢割包皮的價目。幫助真正有需要的病人是醫生原本的天職，能醫治好病人，對方感激，說不定所賺取的，是遠遠超過金錢帳目上的。

講多次！真係唔
係
講緊旺角MD Surxxxx 個個！

打手們唔使出黎護航！同埋唔使留親言都讚班姑娘好人，好嗎？

為了保護叔叔的弱小心靈
我呢個消費者都算用心良苦

講個事實都要講到咁曲
唉!
香港言論自由去咗邊~~~

話說傷口拆左線之後約一星期到見開始無咁腫，就摸下個疤痕仲係咪到，確實無一開始咁易摸到，但仲摸到...

於是我安慰自己講應該係入面未消曬腫，唔好急，再等下。等等下就兩個月，粒野重係到，於是ws佢地，回覆話叫過左三個月先覆診。

如是者見到期啦就約時間，就正正早排去左。去到簡單黎，推、卸、博~

我先同佢講番講自己情況，話粒野仲係到，同你一開始所保証唔同。然後佢拎手術前既相出黎話：「嗱，手術前你閉眼會見到粒野，而家閉眼唔覺啦。」我內心當堂反左白眼，話：「唔係表面睇唔睇到既問題，我做手術目的係要消除粒野，本來就唔覺眼既，一開始你比兩個選擇我，話開刀100%會消除粒野我先簡，而家粒野仲係到，同原先講既就唔一樣。」

然後我叫佢用手摸我眼皮粒野位置，佢輕輕掂左幾野話：「我摸唔到喎！」我見佢確實輕手就鼓勵佢：「唔怕，你大力小小！唔洗怕整痛我，我ok。」然後佢今次摸左兩下眼皮話：「真係摸唔到。」

我一摸自己眼皮，摸到粒野後直頭拎佢隻手黎我眼皮，指埋位置比佢睇，教佢點樣感覺到粒野係邊。小喇叭！佢夠膽死話：「我都係摸唔到。」我當堂就想爆佢，但忍住。佢自己都心虛叫佢姑娘黎摸，姑娘緊係知佢想點，但又唔似佢咁厚面皮話乜都摸唔到（因為真係有粒野而又唔難摸得出，於是話：「係...有粒野...不過好細...」然後佢扮聽唔到姑娘講野。

過程中你講幾多次有粒野都好啦，對方只係機械人般話：「我摸唔到~摸唔到~真係摸唔到~」問佢解決方法，佢問番我有咩建議。我比解決方法佢，佢表示佢唔想接納。

佢玩到咁，其實真係吹佢唔漲。ok u win ! I leave

p.s 嗱
呢句有錄音咖
唔好話我失實呀~見面成個過程我都錄曬音咖啦，所以如果你覺得我講漏左講少左咪ws話我知囉...唔好蝦論壇d人好嗎，人地照顧你老人家弱小心靈好辛苦的..你唔醜，我都替你醜..

想要錄音留言話我知喔~