淮鹽荔枝米俐

李東海小學女教師墮樓身亡，被揭生前屢受校長壓迫。資深老師T（化名）9年前在港島區某名校任教，長期在高壓環境工作，某日突然出紅疹、發高燒，因校長威嚇不敢請假，「校長經常同老師講，請病假就係no pay（無薪）」，某日惡化至全身僵直、舉不起手寫黑板，入院才確診疑由壓力誘發的罕見免疫系統病「Still's disease」（成人史迪爾氏症），「兩個禮拜全身唔郁得，好似植物人咁」。這邊廂對抗病魔，那邊廂受校長、科主任每天來電轟炸，甚至要求丈夫回校搬功課到醫院讓她批改，「整件事好無人性，佢哋只理自己嘅益處。」

相關新聞：【教師爆煲之一】兩年11常額教師離職 東華僅將投訴轉交校長

記者　周婷

老師T發病前在該校任教了一年，獲校長主動續約，「當時係4、5月，學校啱啱同我續約，續約即係代表我表現好好啦。」校長經常提醒同事不要請病假，形容請病假是不負責任、不顧學生的表現，「突然有一日我全身出晒疹，啲疹好似三文魚咁一撻撻，仲有發燒，但當時我好記得（校長）一句說話，你請病假就係no pay（無薪）」。T當時年資尚淺，因擔心影響工作表現評核，一直不敢請假。

T捱着高燒不退，堅持繼續上學兩周，到某日突然全身難以動彈，關節、淋巴核位置劇痛，即到瑪麗醫院急症室求醫，「當時已經燒到106度（正常體溫為華氏100度），醫生開咗5日病假，但我唔敢放。」T對身體警號置之不理，病情終於失控，某日上學期間發覺「郁唔到，連手都舉唔起寫黑板」，但校長的話言猶在耳，她堅持到放學才直奔醫院，被醫生勒令入院的一刻，她才意識到病情嚴重。

「我住院兩個禮拜先確診到係Still's disease，呢個病全港唔超過5個人有，兩個禮拜全身唔郁得，好似植物人咁。」懷着對未知病情的擔憂，還遭校長、科主任連環來電「問候」，那是一向性格樂觀的T每天以淚洗面的日子，「校長日日搵秘書，一個朝頭早、一個晏晝，日日打畀我，問我last day之前啲簿，問你點樣改呀？你點樣處置呀？你幾時返嚟呀？我答唔到佢，佢又打嚟。」

「結果校長suggest（建議），不如你叫你老公嚟學校，搬啲簿攞去瑪麗醫院畀你改。」T估計當時累積未改的功課簿最少有10多疊，「我喺醫院喊咗好多次，因為已經好擔心自己病，校長又不停畀高壓我，好似日日喺病床上工作咁，根本佢成個病假冇放過我，整件事好無人性，電話入面無慰問、冇關心，只係理自己嘅益處。」若非當時丈夫堅持要她好好休息，T可能真的會抵不住壓力，選擇在病榻上工作。

相關新聞：指校本管理累死教師「言之尚早」 何君堯：老師嚟㗎 大佬唔好立亂自殺！

來自校方的精神壓迫最終由主診醫生出手了斷，「有一次主診醫生巡房，電話又響，我同醫生講：『我好驚，校長打畀我，我一定要聽呀』」，結果醫生接聽電話教訓校長：「你知唔知呢個病係超高壓狀態下，佢亦都唔理佢自己（身體）、繼續做嘢而形成？」自此校長才有所收斂，加上T終於確診並對症下藥，1個月後獲准出院，「其實醫生寫多咗兩個禮拜病假畀我，我唔理，扔咗張醫生紙，我同佢返工。」

大病初癒，死裡逃生，T選擇繼續完成餘下1年合約才離校，是「為細路，為家長交代」，亦學懂看開，「我記得當時都有同事幫我抱不平，話『你咁盡心盡力，點解學校要咁對你』。我會諗，如果佢真係搵到我所謂痛腳，你慌佢唔會炒我咩，就係因為搵唔到，佢咪好似雀仔咁，成日喺我耳仔側邊吵嚟吵去，我亦都唔相信，我唔喺你度做我搵唔到工。」

成人史迪爾氏症（Still's disease）屬罕見免疫系統疾病，病徵包括不明發燒、關節症狀導致活動及行走困難、皮疹等，醫學界未能確定成因，或與感染、基因、壓力等有關，美國曾有研究顯示，發病率為每10萬人約有0.16宗個案，15至25歲及36至46歲為兩個病發高峰年齡，治療包括類固醇藥物等。