米俐的部落格

沙膽虹手記：轉軚都唔該低調啲 2012年03月27日 

李嘉誠說不義而富且貴，於我如浮雲，沙膽虹唔信；但很多人問過李超人，你成功的要素是甚麼，李超人話有信用，沙膽虹以前只是風聞，今日親眼看見，不得不對李超人寫個服字。一個多禮拜前，李超人特登出來接受無綫訪問，話仍然會投票畀唐英年，當時仍然可以話佢想振臂一呼，為唐絕地反擊，最後一秒才變節都唔遲，但前天李超人仍然堂堂正正公開投票畀已經輸咗九成九的唐英年，都算係有膊頭、有腰骨的地產商人（沙膽虹當然仍希望佢嘅樓盤以後建得更加實用和均真）。相對於李超人，四叔李兆基則有所不及。四叔老人家提名唐英年，但周日投票後馬上失憶，表示唔記得投誰，仲叫記者睇電視。照咁睇，四叔都是轉軚將票轉了投梁振英居多，不過唔好意思當眾直認而已。沙膽虹聽聞，新地郭炳江、郭炳聯兄弟亦轉軚投咗梁振英，不過就好彩冇記者問到佢哋，不用扮失憶可以靜靜雞過骨。相對於四叔，香港四大地產商之一的新世界新接班人鄭家純則更差幾皮，甚至是難睇兼唔怕醜。他最初提名唐入閘，到投票時不但轉軚將票畀梁，甚至仲幫梁站台。大佬呀，就算你覺得唐英年處理僭建醜聞差勁，冇資格做特首，抑或你西瓜靠大邊，想去當俊傑，你轉軚亦可以低調啲，唔好咁難睇幫對家站埋台，好似好驚被秋後算賬即刻投誠，真係核凸兼作嘔。沙膽虹

火荔枝之言：跟紅頂白，人生醜態，盡在特首選舉中！

梁振英當選後有記者問他是否要到西環謝票，他說：「我唔知你講嘅係乜嘢拉票活動。」中聯辦為梁拉票，連日報章連番報道。他可以否認，但不能說不知道。說不知道要就是擺明說謊。
早前他不請自去民建聯聚會，說是「路過」；太太團到澳門借庫，他說不清楚太太有此行；被問是否支持六四平反，他說他一貫愛中國、愛人民；問他當選後會不會幫民主派爭取回鄉證，他說會為七百萬市民服務；出席立會西九聆訊，對所有質疑，他都是不記得、不知道、不明白。
香港人日後不僅會懷念曾蔭權，而且還會懷念林瑞麟。「人肉錄音機」只是不斷重複那些廢話吧了，未來五年經常會在媒體講話的新特首，卻是不停兜圈，答非所問，講了等於沒講，要不是一堆不記得、不知道之類的推搪之詞，就是謊話連篇。還是林讓人好受些。

李怡
逢周一至五刊出