淮鹽荔枝米俐

夏天已經來臨喇！熱辣辣嘅時候當然就會想食雪糕啦！仲駛諗嘅！？但市面上有咁多款雪糕，除左普通雪糕同軟雪糕外型唔同之外，您地又識唔識得分唔同雪糕嘅成分，以及質地上有乜分別呢？

唔係好清楚？咁就快啲睇下究竟係點樣分，到時人地問到你咁就唔會口啞啞啦！

1. 雪糕

一般講起雪糕，第一時間令大部分人諗到嘅就會係質地較硬，同時會出現喺超市貨架上面嘅普通雪糕。而原來呢中最常見嘅雪糕，佢地裡面就一定會含有最少10%嘅牛奶脂肪，而且更加係攪拌混合而成，有著較輕盈嘅質感。

2. 軟雪糕

軟雪糕嘅牛奶脂肪含量比一般雪糕嘅少，但點解佢嘅質感係軟綿綿嘅呢？原來係因為軟雪糕喺生產嘅過程中，加入左大量空氣，所以就會好似棉花糖一樣軟綿綿咁咁好食喇！

3. 乳酪雪糕

乳酪雪糕嘅基本製作方式其實同一般雪糕並無分別，只不過係當中加入左乳酪成分，聽起嚟健康一啲咁。

4. 意大利Gelato雪糕

由於Gelato所用嘅忌廉會比一般雪糕少，但牛奶成分則會較多，因此相比起一般雪糕Gelato嘅脂肪含量就會較少。此外因為Gelato係以較慢嘅速度攪拌混合而成，所以質感自然會較為creamy、濃密。

5. 奶油雪糕

奶油雪糕可能大家比較少聽，但原來佢同其他雪糕最大嘅分別，就係當中含有最少1.4%嘅蛋黃喺入面，比普通雪糕含有至少10%牛奶脂肪多出一種特色成分。亦由於雪糕裡面多左蛋黃，所以質地都會較為厚身一啲。

6. 雪芭（Sorbet）

冰涼嘅雪芭主要係以雪凍左嘅水果同果泥製作而成，此外有時仲會加入餐酒等口味，係夏日必食嘅甜品之一。

7. 雪酪（Sherbet）

好多時候大家都會將Sherbet同Sorbet混為一談，但其實雪酪（Sherbet）裡面係含有最少1到2%嘅牛奶脂肪，而並非好似雪芭咁只有水果成分。

【原文連結】
普通雪糕、意式雪榚、軟雪糕、雪芭等有乜分別？