月費計劃

1. 點樣申請自由鳥Mobile月費計劃呀？

只要下載Birdie Mobile App並喺app上面登記服務，就可以揀自己鍾意嘅電話號碼或者攜號轉台喇。

2. 有咩月費計劃揀呀？

我哋依家有以下月費計劃畀你揀：
i. 每月21Mbps 5GB 本地數據 + 3,000 通話分鐘
ii. 每月21Mbps 7GB 本地數據 + 無限通話分鐘，兼有「貓頭鷹時間」任用數據 （詳情請參考「貓頭鷹時間」)
iii. 每月21Mbps 300MB 本地數據 + 1,000 通話分鐘

你可以喺Birdie Mobile App嘅登記版面了解更多。

3. 月費計劃有冇合約？

月費計劃係按月(每月)收費，冇合約年期束縛！每月截數日過後會自動出新一期賬單，記住繳費繼續使用服務，有欠款嘅話會影響以後登記服務㗎！

提提你：如要終止服務，請喺截數日至少3天之前喺Birdie Mobile App (App嘅左上方按Ξ > 設定 > SIM卡管理 > 終止流動電話服務) 提出，服務終止日期以Birdie Mobile App顯示為準。
(例如: 截數日為25號，請於21號或之前喺Birdie Mobile App提出)

唔好意思，電郵我哋嘅話係做唔到終止服務架!

4. 要唔要額外收隧道和牌照費或行政費？

冇額外隧道和牌照費或行政費。

5. 係咪一定要選擇月費計劃？就咁買流動數據得唔得？

本地流動通訊服務方面，我哋暫時只有月費計劃！

6. 本地數據速度有幾多Mbps?

每個月費計劃會有唔同嘅本地高速數據用量，要視乎你所揀嘅月費計劃，本地高速數據用量速度將唔高於21Mbps。當你嘅每月本地數據用量達到計劃數據用量嘅上限，你仍然可以繼續使用流動數據服務，但上網速度（上載及下載）將被調整至唔高於128Kbps。

7. 月費計劃是否支援VoLTE（Voice Over LTE）呀？

當然支援啦！記得要配合埋支援VoLTE嘅手機呀！

8. 月費計劃是否支援網絡共享 (Tethering) 呀？

我哋嘅月費計劃支援本地網絡共享(Tethering) ，但唔支援點對點傳輸應用程式(P2P)、FTP文件共享同埋網路錄影監控。

9. 月費計劃仲包啲乜服務？

月費計劃包括SMS功能、留言信箱、來電轉駁、來電顯示、來電待接及電話會議。

10. 喺邊度可以睇到我嘅本地數據同本地通話分鐘使用量？

你可以喺Birdie Mobile App裡面嘅「用量顯示器」 一次過睇晒。

11. 我登記服務時已經預繳咗一個月月費，點解喺Birdie Mobile App嘅「用量顯示器」顯示我嘅數據有效期咁短，剩低幾日俾我用？

其實由你啟動服務嘅第一日到你嘅第一個截數日，喺呢段期間嘅月費已經豁免，你用嘅所有本地數據同本地通話分鐘都唔會額外收費。你已預繳嘅服務月費其實係會由截數日之後先開始計算，例如：你喺3月28日啟動服務，截數日為每月最後1日，咁即係3月28 – 31日呢段期間嘅月費已經豁免 ; 而已預繳嘅服務月費會喺4月1日之後先開始計算。

貓頭鷹時間

1. 咩叫「貓頭鷹時間」？

為切合喜愛夜瞓嘅你，我哋推出咗「貓頭鷹時間」，指定用戶可以喺每日上午01:00– 06:00任用本地數據，而唔會扣除當月本地數據用量。

提提你 :當月本地21Mbps數據用晒之後（數據P2P、追加數據、月月加碼數據及數據獎賞亦計算在內），你仍可以128kbps 速度繼續喺「貓頭鷹時間」使用數據。

2. 點樣可以喺「貓頭鷹時間」任用數據？

只要選用7GB自由鳥Mobile月費計劃就免費送畀你！

3. 5GB 月費客戶點樣可以用到「貓頭鷹時間」？

唔好意思啊，「貓頭鷹時間」不設獨立申請 ! 覺得「正」嘅就升級做 7GB月費客戶啦！

新號碼上台

(教學短片)

1. 你哋有冇新號碼揀？

當然有！你仲可以揀幸運號碼。

2. 我可以要求開指定電話號碼嗎？

除非攜號轉台，否則只可以揀選Birdie Mobile App內所提供嘅電話號碼。

3. 點知道我嘅自由鳥 Mobile服務已經成功登記？

你會收到我哋嘅電郵，確定你已經登記服務。

4. 點知SIM卡寄出未？

當SIM卡寄出時，你會收到我哋嘅電郵通知，我哋會喺5個工作天內將SIM卡寄到你登記嘅地址。

5. 我申請左自由鳥Mobile嘅服務，但一直都未收到SIM卡，點算？

SIM卡一般5個工作天內會寄到你登記嘅地址，如果你5個工作天後都未收到SIM卡，請即聯絡我哋。

6. 如果登記自由鳥 Mobile嗰陣，未能確認我嘅上台申請，應該點做？

如果未能確認申請，Birdie Mobile App會自動彈出「聯絡我哋」版面，我哋會盡快幫你跟進㗎喇。

7. 我最遲可以幾時啟動服務㗎？

由成功申請服務嗰時開始計90日內，你都可以隨時啟動服務㗎！

攜號轉台

(教學短片)

1. 對台合約未完/就嚟完，轉台生效日應該安排邊日先好？

建議選擇喺合約完結當日啟動轉台服務。例如︰合約到期日係5月1日，咁你應該選擇5月1日為攜號轉台日。

2. 我可唔可以/點樣轉自己個電話號碼嚟自由鳥 Mobile？

無論係儲值咭或月費用家，只要你係︰
a. 登記機主本人
b. 確定對台合約完結或即將完結
c. 在對台嘅電話號碼狀態係保持啟動(儲值卡用戶戶口內要有最少$1結餘)
都可以攜號轉過嚟自由鳥 Mobile，只要下載自由鳥 Mobile App，準備好你嘅香港身份證或者護照，就可以經App轉自己個電話號碼嚟自由鳥 Mobile。

3. 要唔要自己通知返個台去停服務？

唔使，只要下載Birdie Mobile App，就可以經App轉自己個電話號碼嚟自由鳥 Mobile，我哋會幫你通知你現有嘅服務供應商，將你嘅號碼轉過嚟同喺你指定嘅日子生效。

4. 攜號轉台嚟自由鳥 Mobile有冇額外收費／手續費？

當然冇啦！

5. 攜號轉台嚟自由鳥 Mobile需要乜嘢資料？

只要你係登記機主本人，只需要提供流動電話號碼、登記人全名同登記人嘅香港身份證號碼／護照號碼就得。

6. 我要預返幾耐去安排轉台?

由於要預留時間郵遞SIM卡，同埋要同你現有嘅網絡供應商跟進轉台事宜，轉台需要大概7-10 個工作天，而我哋最多可以提早三個月去預先安排定轉台，喺Birdie Mobile App 申請轉台時會建議你揀返轉台嘅日子時間。

7. 儲值卡用戶可唔可以攜號轉台嚟自由鳥 Mobile？

梗係可以啦！只要你係卡主本人，而儲值卡戶口內最少要有$1結餘以保持啟動狀態，立即下載Birdie Mobile App，並提供SIM卡上的ICCID號碼，就可以經App轉自己個儲值卡電話號碼過嚟自由鳥Mobile㗎喇！

8. 儲值卡攜號轉台需要乜嘢資料？

只需要提供流動電話號碼同儲值卡後面嘅ICCID號碼就得。

9. 點解揀唔到過台時間？

可能因為你未成功驗證手機號碼，請喺Birdie Mobile App內按發送驗證碼，我哋會將一次性驗證碼以SMS傳送到你手機，輸入驗證碼後就可以揀過台時間。

10. 點樣知道我嘅攜號轉台有冇問題？

如果喺轉台嘅時候有任何問題，我哋會盡快聯絡你，請留意我哋嘅電郵通知。

11. 用公司名稱登記嘅流動電話號碼，可唔可以攜號轉台？

我哋暫時只接受以個人名義登記嘅流動電話號碼轉台。你可以先去你用緊嘅流動電話網絡商，辦理轉名手續。 成功轉名後， 就可以上Birdie Mobile App辦理轉台手續！

12. 攜號轉台時可唔可以轉埋用我個名？

暫時未得。

13. 已停台嘅流動電話號碼，可唔可以申請攜號轉台？

你可以先去你用緊嘅流動電話網絡商，辦理重開號碼手續，成功重開後就可以上Birdie Mobile App辦理轉台手續！

14. 申請攜號轉台嘅時候，收唔到一次性驗證碼，應該點做?

請你確定輸入嘅電話號碼係正確。確定號碼正確後，先等一分鐘，就可以再按驗證碼攞多次。

15. 點知道我嘅自由鳥 Mobile服務已經成功登記？

你會收到我哋嘅電郵，確定你已經登記服務。

16. 點知SIM卡寄出未？

當SIM卡寄出時，你會收到我哋嘅電郵通知，我哋會喺5個工作天內將SIM卡寄到你登記嘅地址。

17. 我申請左自由鳥Mobile嘅服務，但一直都未收到SIM卡，點算？

SIM卡一般5個工作天內會寄到你登記嘅地址，如果你5個工作天後都未收到SIM卡，請即聯絡我哋。

啟動服務

1.收到SIM卡後，點樣先啟動到自由鳥Mobile服務？

你只要下載Birdie Mobile App，按「啟動ＳＩＭ卡」，再輸入你先前登記左嘅身份證號碼及聯絡電鄱郵地址，跟住啲步驟做，你就可以即刻啟動自由鳥Mobile嘅服務啦！服務將會喺你指定嘅日子啟動，到時記住將SIM卡插入手機同重新啟動手機，就可以享用自由鳥Mobile服務喇！

2. 啟動服務嗰陣，系統話我個電郵地址已經有人用緊，點算？

咁可能係因為你或者其他人，曾經用過呢個電郵地址登記咗自由鳥Mobile嘅電話號碼。你可以用另一個電郵地址，而如果你曾經用過同一個電郵地址登記自由鳥Mobile服務，你可以喺Birdie Mobile App裡面，為呢個現有號碼改用另一個電郵地址，咁就可以「釋放」原本嘅電郵地址嚟登記一個新號碼喇。

3. 啟動咗張SIM卡點解都用唔到嘅，應該點做啊？

你可以嘗試將SIM卡插入你嘅流動裝置，然後重新開機。
如果都唔得，請將流動裝置嘅APN改做「Internet」，用戶名稱同密碼留空，再重新開機，更改APN嘅程序如下︰
– Android：設定>流動網絡>存取點名稱(APN)
– iOS：設定>流動網絡>流動數據選項>流動數據網絡>APN

加購數據

i.「追加數據」

1. 咩叫「追加數據」?

當你嘅21Mbps速度數據用晒之後, 如果想享用額外21Mbps速度數據嘅話, 就可以透過Birdie Mobile App「追加數據」 , 即買即用!

2.「追加數據」點計, 有幾多額外21Mbps速度數據?

3種選擇：1GB/ 5GB/ 10GB數據

3. 點樣「追加數據」?

只需要喺Birdie Mobile App裡面嘅「用量顯示器」，選擇「加購數據」，就可以按自己需要追加數據。

4. 今個月用剩咗啲「追加數據」，有冇得退錢或轉去下個月？

已經支付咗嘅「追加數據」費用係唔可以退還，數據亦唔可以轉去下個月！但你可以考慮轉贈用剩左嘅數據畀Birdie 好友呀！

ii.「月月加碼數據」

1. 咩喺「月月加碼數據」?

呢個服務係以每月收費，喺月頭預繳咗費用之後，嗰個月開始就可以享用額外21Mbps 速度數據喇！每個月都會自動加碼，咁就唔使逐個月慢慢追加啦！

2.「月月加碼數據」有幾多額外21Mbps速度數據?

3種選擇：1GB/ 5GB/ 10GB數據；成功登記後就喺下一個賬單月開始生效。

3. 點樣登記?

只需要喺Birdie Mobile App裡面嘅「用量顯示器」，選擇「加購數據」，再選擇「月月加碼數據」，就可以按自己需要月月加碼啦 !

4. 登記咗之後, 幾個月後唔再需要咁點算?

放心 ! 你可以喺截數日前，喺Birdie Mobile App更改或取消呢個服務，下個月截數日後就會開始生效㗎喇！

5. 今個月用剩咗啲加碼數據，有冇得退錢或轉去下個月？

已經預繳咗嘅「月月加碼數據」費用係唔可以退還，數據亦唔可以轉去下個月！但你可以考慮轉贈用剩左嘅數據畀Birdie 好友呀！

額外本地通話分鐘 / 其他收費

1. 用晒啲本地通話分鐘咁點算啊？

額外本地通話分鐘收費為每分鐘HK$0.3。(通話分鐘收費的計算方法以每分鐘為單位，不足一分鐘亦作一分鐘計算。)

2. 本地跨網短訊服務收費？

每個本地跨網短訊為HK$0.5; 每個短訊以160個英文字母或70個中文字為上限。

3. 發放本地MMS收幾錢？

每個本地MMS按kb收費; 0-30 KB – 每個為HK$1.5 ; 31-100 KB- 每個為HK$3

4. 喺海外發放短訊收幾錢？

我哋暫時唔支援海外發放短訊。

1. 咩嘢係「齊齊加入鳥」？

你介紹親朋好友用自由鳥Mobile嘅服務（HK$38 入門計劃除外）又符合相關條件，就可以享有HK$100現金獎賞，被推薦嘅親朋好友亦可享有額外4GB本地數據。

2. 喺邊度可以得到推薦人嘅推薦碼？

登入Birdie Mobile App後，按獎賞就可以搵到。

3. 當成功推薦朋友，我同朋友將會獲得乜嘢推薦獎賞？

i.「推薦人」：合共HK$100獎賞，會分兩期每期各HK$50發放到你嘅自由鳥Mobile戶口。被推薦人須選用HK$90 或 HK$120月費計劃，獎賞會喺被推薦人繳付有關月費計劃嘅第二期同第四期賬單後嘅7個工作天，發放畀推薦人。

ii.「被推薦人」：合共4GB 額外數據，分兩期每期2GB發放。被推薦人須選用HK$90 或 HK$120月費計劃，於繳付有關月費計劃嘅第二期同第四期賬單後嘅1個工作天，就會收到額外數據。

4. 要成功獲得推薦獎賞，要符合乜嘢條件？

i. 「推薦人」年齡係 16 歲以下，都唔會獲得獎賞。

ii.「推薦人」獎賞：「推薦人」同「被推薦人」需要同時連續4個月使用自由鳥嘅流動通訊服務同埋繳付月費，先會收到獎賞。

iii. 「被推薦人」獎賞：「被推薦人」需要連續4個月使用自由鳥嘅流動通訊服務同埋繳付月費，先會收到獎賞。

iv.「推薦人」及「被推薦人」獎賞：「被推薦人」需要使用HK$90 或 HK$120月費計劃，先會獲取獎賞。而「推薦人」必需使用HK$90 或 HK$120月費計劃方可提取現金獎賞。

5. 「推薦人」獲得現金獎賞嘅次數有冇限制？

當然冇限制啦！歡迎你推薦我哋嘅服務畀你所有嘅親朋好友。

6. 點樣推薦朋友？

可以登入Birdie Mobile App，將「齊齊加入鳥」頁內屬於你嘅推薦碼分享給好友。好友只需喺申請服務時填寫個推薦碼就得。

7. 獎賞會唔會因為過期而唔能夠用嗎？

請喺三個月內領取獎賞，否則有關獎賞將被取消而不作另行通知。如果你喺任何情況下終止服務，我哋都會取消所有獎賞，所以最好盡早兌換獎賞喇！

8. 獎賞會用乜嘢形式呢？

你可以將你嘅推薦人獎賞兌換現金，我哋收到要求之後大概兩星期內會將款項存入你指定嘅銀行戶口。

數據P2P

1. 咩嘢係「數據P2P」？

可以登入Birdie Mobile App嘅「數據P2P」，將數據傳送畀其他自由鳥Mobile用戶。

2. 係咪可以將數據傳畀任何人？

只可以將數據傳送畀其他自由鳥Mobile用戶。

3. 要傳數據畀朋友有咩條件同限制？

轉移數據後你嘅剩餘數據用量必須有1GB或以上。仲有，每次轉移數據畀親友，必須以0.5GB為單位。

4. 我嘅Birdie朋友會幾時收到我畀佢嘅數據？

你嘅朋友會即時收到㗎！

5. 點知朋友幾時畀咗數據我呢？

我哋會有app push 提示，打開app裡面最下方右下角個信封亦都可以睇到 !

6. 經數據P2P 收到嘅額外數據可以保留幾耐？

用數據P2P 收返嚟嘅額外數據，必須喺嚟緊嘅賬單結算日前使用。

7. 呢個功能係咪免費？

當然係免費啦！隨便用，隨便玩。

「自由鳥族群」

1. 咩係「自由鳥族群」？

係自由鳥Mobile用戶專用嘅討論區，俾用戶討論熱門話題。

2. 咩人先可以去「自由鳥族群」留言？

暫時係自由鳥Mobile用戶專用，但之後會開放畀所有人用。

3. 「自由鳥族群」有咩討論版？

討論版主要分為兩大類，包括自由鳥最新消息同各休閒話題，如旅行、飲食。

漫遊數據

1. 點樣加購漫遊數據日費？

喺Birdie Mobile App「用量顯示器」嘅「漫遊」版面，選擇目的地同日數，付款後隨時都可以用漫遊數據日費！

2. 漫遊數據日費包咗幾多數據用量？

數據係任用嘅！當每日每個地區漫遊數據用量去到300MB (或指定數據用量)，上網速度會被調整到唔高於128kbps，但仍然可以用漫遊數據。

3. 當每日漫遊數據用量用完，可以追加數據嗎？

只要下載 Birdie Travel App 就可以追加即日數據！

4. 喺數據日費上點樣定義「一日」？

我哋將「一日」定義為喺漫遊國家(首都)或地區，當地時間由00:00至23:59 。

5. 買咗嘅數據日費，最遲要幾時使用？

請喺Birdie Mobile App嘅「用量顯示器」查閱數據日費嘅有效期，記得喺有效期前用數據日費呀！

6. 買咗幾個數據日費，係唔係要連續幾日用？

已經購買咗嘅數據日費，只會喺啟動流動數據服務當日先會扣除，唔需要連續幾日用。

7. 同一個數據日費，可唔可以跨國家或者地區使用？

如果喺同一日內連接唔同國家或地區嘅流動網絡，每一個國家或地區會分別扣除一次數據日費。但如果同日到訪歐洲唔同國家或地區，最多只係扣除兩次日費。例如朝早喺荷蘭出發，中午到訪盧森堡，當日夜晩再去到比利時，即使全程有用漫遊數據，亦只係會扣除兩次日費。

8. 點樣查閱數據日費嘅購買紀錄？

你可以喺Birdie Mobile App嘅「賬單」查閱紀錄。

9.邊度可以睇到各個國家同地區用邊個網絡商?

你可以去呢度睇到各個國家同地區嘅網絡支援:
https://bit.ly/2r8AnBp

10. 自由鳥 Mobile SIM 卡喺海外連接唔到數據服務。點算？

1. 請確定：
i. 手機或者流動裝置已經插入SIM卡
ii. 已經購買咗適用身處目的地嘅數據日費

2. 已啟動「流動數據網絡」+「數據漫遊」功能，無線網絡存取點 (APN) 已設定為「Internet」。
i. Android* 設定 > 無線與網絡 > 更多 > 流動網絡 > 接入點名稱 (APN)
ii. iOS 設定 > 流動網絡 > 流動數據選項> 流動數據網絡 > (APN)
*個別Android手機或平版電腦設定會有所不同，請向手機生產商查詢3

3. 如果仍然未連接到網絡，請嘗試關閉手機電源，重新開機。

11. 自由鳥 Mobile SIM唔支援邊啲數據服務？

SIM 卡支援網絡共享（Tethering）或 插入WiFi蛋內分享數據。但唔支援點對點傳輸應用程式 (P2P)、FTP文件共享同埋網路錄影監控。

12. 自由鳥 Mobile有冇IDD及漫遊話音服務？

我哋暫時未有IDD及漫遊話音服務提供。

SIM卡查詢 (遺失卡、壞卡、郵遞問題)

1. 點樣報失SIM 卡？

立即喺Birdie Mobile App裡面嘅「設定」裡面嘅「SIM卡管理」，揀選「報失/更換SIM卡」就可以辦理。

2. 點樣更換損壞咗嘅SIM 卡？

喺Birdie Mobile App裡面嘅「設定」裡面嘅「SIM卡管理」，揀選「報失/更換SIM卡」就可以辦理。

3. 更換SIM 卡幾錢？

補發SIM卡費用為$50。

4. 仲未收到SIM卡，可以點做？

如果登記後5個工作天後都未收到SIM卡，立即喺Birdie Mobile App嘅「 聯絡我哋」 通知我哋，我哋會盡快將新卡交到你手上。

5. 報失SIM卡後，點樣領取？

我哋會將張新卡用「平郵服務」寄畀你。

6. SIM卡損壞咗要更換，點樣領取新SIM卡？

我哋會將張新卡用「平郵服務」寄畀你。

7. 我嘅SIM卡會喺幾時寄出？

我哋會喺 3-5個工作天內，將SIM卡寄到指定地址。

8. 點樣知道我嘅SIM卡已經寄出？

你會收到我哋嘅電郵，確定SIM卡已經寄出。

9. 收到SIM卡後，係唔係即刻用得㗎喇？

係未用得住㗎。收到SIM卡後，記得喺Birdie Mobile App嘅「啟動SIM卡」，跟住指示啟動SIM卡。

10. 可唔可以更改送遞SIM卡嘅日期？

一經確認送遞SIM卡嘅日期，就唔可以更改喇。

11. 你哋張SIM卡可唔可以寄去香港以外嘅地方？

我哋暫時淨係提供本地郵遞服務。

暫停/終止流動電話服務

暫停流動電話服務:

1. 我想暫停我個流動電話服務，可以點樣做？

喺Birdie Mobile App裡面嘅「設定」> SIM卡管理 > 暫停流動電話服務，按「開啟」就可以辦理到。
提提你：暫停服務期間，你需要繼續繳付月費以保留賬戶。

例子：例如你唔見咗張SIM，可以揀選「暫停流動電話服務」，以避免你嘅流動電話號碼被人誤用而收到震撼賬單。

終止流動電話服務:

1.我想完全終止我個流動電話服務，唔再交錢，可以點樣做？

喺Birdie Mobile App裡面嘅「設定」> SIM卡管理 > 終止流動電話服務，確定終止服務就可以辦理到，同埋我哋喺「唔接受」以電郵通知終止服務㗎!
提提你：請喺截數日至少3天之前提出，否則，服務終止日期會喺下一個截數日先生效。服務終止日期以Birdie Mobile App顯示為準。
(例: 截數日為25號，請於21號或之前於Birdie Mobile App提出)

請注意，當服務終止後 :

• 所有以任何形式贈送或轉移嘅數據、獎賞、積分，或買咗嘅數據，都會被取消而唔會有任何形式嘅退還。


• 如賬戶內有漫遊數據日費，你可以按相關日費到期日前繼續使用，或加購日費。


• 電話號碼將會分配畀其他客戶使用以及唔可以被攜號轉台同重新使用。

 

•  

2. 我想攜號轉台到其他流動電話商，可以點樣做？

我哋好抱歉你選擇離開自由鳥 Mobile。

如果你想攜號轉台到其他流動電話商，請留意以下嘅程序：
i. 首先，唔好喺Birdie Mobile App上面主動要求暫停流動電話服務；
ii. 你可以到你想轉去嘅流動電話商，辦理攜號轉台手續；
iii. 請向相關流動電話商提供返你想轉台嘅日期， 同埋你喺自由鳥Mobile登記時所用嘅身分證號碼同埋身分證全名。

重新接駁服務

1. 點樣重新接駁我個流動電話服務？

喺Birdie Mobile App「設定」裡面嘅「SIM卡管理」，揀選「即刻接駁返自由鳥服務」> 按指示辦理。

付款方法

1. 自由鳥Mobile服務有咩付款方法？

除咗可以用 VISA或 MasterCard信用卡付款之外，更可以用Apple Pay 𠻹 ( 需配合VISA / MasterCard ) ！如果你冇信用卡，可以用Tap & Go 或其他預付卡，或考慮用第三者嘅信用卡付款都可以！依家你仲可以經八達通App繳交賬單費用，喺日後我哋將會支援更多付款方法。

2. 我想申請喺自由鳥Mobile用信用卡自動轉賬，可以點樣做？

喺Birdie Mobile App裡面嘅「設定」>「我嘅付款方法」，新增一張信用卡並且輸入資料就可以辦理。為確保信用卡仍然有效，我哋將會喺以上信用卡收取HK$1。有關交易會即時被發卡銀行取消，而且不會於月結單中收取。

3. 點樣取消返個信用卡自動轉賬？

喺Birdie Mobile App裡面嘅「設定」>「我嘅付款方法」，選擇「移除信用卡」就可以辦理。

4. 信用卡自動轉賬幾時會扣數？

我哋會喺月結單發出後第3至7個工作天內扣數，時間長短要視乎期間有冇公眾假期。

5. 啱啱經八達通App繳交賬單費用，繳費記錄係唔係即時會喺Birdie Mobile App顯示?

係呀! 成功經八達通App繳交費用，可以即時喺Birdie Mobile App > 「賬單」內顯示。

6. 點樣申請八達通嘅「好易畀」（O! ePay）？點樣增值？有冇增值限額？

可以去返八達通App或者網站參考返！
https://www.octopus.com.hk/tc/consumer/mobile-payment/oepay/apply
或
https://www.octopus.com.hk/tc/consumer/customer-service/faq/octopus-online-services/octopus-online-payment-service.html

7. 點樣經八達通App繳交費用？

成功登記八達通付款功能之後，去「商戶」揀返自由鳥 > 服務計劃客戶繳費，輸入自由鳥流動電話號碼後，會收到附有最新自由鳥賬戶結餘嘅短訊，輸入繳費金額就可以完成付款程序。提提你，繳費金額必須同短訊內嘅金額相同，先可以成功繳費；另外，八達通戶口內必須要有足夠結餘呀！

8. 經八達通App繳交費用有冇額外收費或手續費？

當然冇啦！只要你成功喺八達通App登記付款服務，就可以經八達通App繳交Birdie賬單。

電話服務管理

1. 留言信箱可以容納幾多個口訊？

留言信箱可以容納10個口訊，每個最長60秒。

2. 留言信箱口訊可以保留幾耐？

每個口訊可以保留3日。

3. 點樣重新設定留言信箱密碼？

只需要喺手機打「 138 」留言信箱系統，就可以重新設定留言信箱密碼。

4. 點樣可以錄低個人歡迎辭？

只需要喺手機打「 138 」留言信箱系統，就可以親自錄製歡迎詞 。

5. 點樣設定來電轉駁？

所有來電轉駁　　　: [啟動] **21*電話號碼# 打出 ; [取消] ##21# 打出
通話中來電轉駁　　: [啟動] **67*電話號碼# 打出 ; [取消] ##67# 打出
無人接聽自動轉駁　: [啟動] **61*電話號碼# 打出 ; [取消] ##61# 打出
未能接通來電轉駁　: [啟動] **62*電話號碼# 打出 ; [取消] ##62# 打出
取消所有轉駁功能　: [啟動] ##002# 打出
來電待接　　　　　: [啟動]*43# 打出；[取消] #43# 打出

其他查詢

1. 點樣可以更改個人資料？

可以喺Birdie Mobile App裡面嘅 「設定」>「個人資料」更改。

2. 唔記得用戶名稱同密碼要點樣重新設定？

可以喺Birdie Mobile App裡面嘅 「忘記密碼」或 「設定」>「更改密碼」辦理。

3. 點樣可以更改登入用嘅電郵？

可以喺Birdie Mobile App裡面嘅 「設定」>「個人資料」更改你登入用嘅電郵。

4. 點解唔能夠成功重設電郵？

完成啟動自

如果你早前係選擇咗用Facebook登入自由鳥Mobile賬戶，以後就要用返Facebook 㗎啦！

5. 想知自由鳥Mobile係用邊個流動網絡商？

我哋自由鳥 Mobile 係由 SmarTone (數碼通) 流動網絡商支援。

6. Birdie Mobile App個日期點樣睇㗎？

日期係以DD/MM/YYYY顯示㗎，例如2018年3月1日就會係1/3/2018。

7. 仲有問題，點樣可以聯絡你哋？